ORANJESTAD (AAN): Esnan cu ta para den rij pa asina wordo vacuna, por disfruta no djis di e aire fresco cu ta suplando riba Aruba, pero tambe admira e variedad di tapaboca cu
hende tin bisti.
Hopi tin tapaboca cu emblema di “Aruba” riba dje. Tin algun ta cana cu tapaboca cu emblema di Partido Politico, y por mira constantemente tapaboca cu nomber di companianan local.
Na Centro Deportivo Betico Croes, un di e tapabocanan cu a hala hopi atencion, y pone sonrisa riba hende su cara, ta esun cu e ciudadano aki tabatin bisti. For di leu, bo ta kere cu e persona aki ta canando cu e sonrisa mas yamativo cu tin. Te ora cu e yega cerca, y asina bo ta realiza cu ta un tapaboca e tin bisti. Hopi pret mes pa mira.
