ORANJESTAD (AAN): E personanan cu ta bende cuminda y cu no tin carchi di salud ta haciendo algo contra ley. Asina Yvette Geerman di Departamento di Higiena y Inspeccion di Alimento
(Dienst Warenkeuring en Hygiëne (DWH) di Departamento di Salud (DVG) a duna di conoce.
Esaki ta nifica cu e persona no lo por sigui traha mas y si tin mas persona cu tampoco tin carchi di salud e ora e localidad lo wordo cera. Esaki ta conforme ley di e carchi di salud.
Banda di esaki tin e reglanan di higiena locual ta DWH ta hopi importante. Ta haci un suplica pa tur hende tin nan awa, manera un jug unda awa por basha bay . No un hemchi cu awa unda diferente persona ta hinca nan man den dje of ta laba bo material cu mester pa por prepara cuminda.
Tambe ta conseha pa tin un termometer pa controla e temperatura di e cuminda pa asina core menos risico cu e cuminda por daña y hendenan ta bira malo, a splica. E temperatura pa cuminda frieu ta 5 grado y pa cuminda cayente ta ariba 60 grado.
Tin informacion riba esaki den algun foyeto cu tin dato manera 'cinco yabi pa un cuminda saludabel'.
Sea mucha of hende grandi, tur mester tin un carchi di salud den caso cu mester manipula cu cuminda. Hobennan bao di 18 aña, un di e testnan cu nan no lo mester haci ta esun di torax. Pero si un persona tin 18 aña bay ariba, nan tin cu haci test di feces y saca potret di torax, Yvette Geerman a duna di conoce.
no ta conoci ainda e cantidad di peticion cu a wordo haci pa loke ta cuminda, pero esaki por ta similar na añanan anterior. Locual sigur lo tey, ta e control di DWH durante tur actividad di carnaval, Geerman a enfatisa.
