Tabatin interes den e curso di ‘Conoce bo Cabrito’

ORANJESTAD (AAN): Den fin di siman cu a pasa, na Santa Rosa a tuma lugar curso pa interesadonan haya sa con pa ‘Conoce bo Cabrito y Carne ehemplar’.

   Esnan cu a acudi na esaki, a nota cu e tabata un dia interesante, unda a haya sa diferenet parti di e ehemplar su caracteristicanan pa un mihor cuido.

   E workshop mes a wordo presenta y guia door di Edward Berben.  Na final di e workshop, a sigui cu e parti practico na e Seccion di Criansa na Santa Rosa, pa asina haya guia di tur loke nan a papia.  Santa Rosa a considera esaki como un tema hopi importante, specialmente util pa e criadornan nobo riba e isla.