Directora di Censo, señora Sharin Luydens:
ORANJESTAD (AAN) – Directora, señora Sharin Luydens, a remarca cu Censo mester haya capacidad pa asina nan por amplia nan capacidad di procesa a cantidad di peticionnan di inscripcion cu ta drenta. Mientras cu e piek ta sigui crece cu aña, e cantidad di miembrecia a keda mescos. Señora Luydens a remarca cu si no hisa capacidad, lo no por tampoco cu e demanda halto cu tin actualmente.
El a menciona tambe, cu si haya capacidad mes, lo dura un tempo pa siña hende con pa traha cu e sistema prome cu nan cuminsa procesa e prome permisonan. E prome permisonan aki ya caba ta core den miles y ta bin acerca di e 3000 cu normalmente ya ta haya di inscripcion pa aña. Esaki, segun Luydens, ta casi un duplicacion di e demanda mientras cu Censo no tin e capacidad pa esaki. Esaki, señora Luydens a enfatisa, ta causa cu Censo no tin espacio pa habri mas cita.
Señora Luydens a remarca cu a manda conseho riba e situacion actual na Minister Dowers y e minister tin oido pa esaki, sinembargo lo costa tempo. “Si mi haya aprobacion mes pa haya capacidad extra, cual mi ta kere lo sosode, lo dura un tempo prome cu e echt cuminsa bay na e volumen cu nos ta desea pa procesa tur e permisonan”, el a duna di conoce.
