Giacomo Pais, di ExproDesk:
ORANJESTAD (AAN)-- Señor Giacomo Pais, di ExproDesk, den entrevista cu Matutino DIARIO, a informa cu awe, Diaranzon 12 di Augustus, di 6’or pa 7’or di anochi, na Cas Beneranda, na Wilhelminastraat #7, e oficinanan nobo di Departamento di Asuntonan Economico, Comercio y Industria, lo tin e “Info Avond” p’asina por informa tur hende cu ta interesa di participa den e evento na Republica Dominicana, cu yama “Hub Camara Santo Domingo” haya mas informacion.
“Esaki ta un evento cu ta tuma lugar cada dos aña y e ta un di e hubnan di negoshi mas grandi cu tin den e region.
Durante e anochi aki nos lo bay duna tur e informacion necesario pa e hendenan cu a registra caba, y esnan cu tin pensa di registra, pa nan sa con tur esaki lo tuma lugar, pa nan tin tur informacion den nan , kico por expect di e evento aki. Pues, nos ta invita tur hende pa bin participa di e anochi di informacion aki, pasobra e lo trece tur informacion necesario pa nan por bay prepara na Republica Dominicana, pa cu e evento aki”, señor Pais, di ExproDesk a reitera.
