Swinda Dumfries di DVG:
*Pesey ta hopi importante e promocion di salud y bienestar den scolnan
ORANJESTAD (AAN): Swinda Dumfries ta ocupa e posicion di Orthopedagoog Jeugd Gezondheids Zorg na Departamento di Salud (DVG), tambe coordinador di e Team Gezonde School Adviseur. El a elabora riba e importancia pa loke ta formacion di comemento saludabel pa nos muchanan.
Dumfries a expresa cu locual ta hopi importante ta e promocion di salud y bienestar den scolnan. A indica cu e programa Scol Saludabel ta algo hopi holistico. No ta solamente e parti di comemento cu bebemento, pero e ta salud fisico, emocional, social, mental caminda cu ta enfoca riba e parti con por aporta na provee e muchanan nan salud pa asina nan por desaroya di un manera sano y sigur.
Aworaki tin 11 scol cu ta bezig cu e trayecto di Scol Saludabel. E programa ta yuda con pa sostene e scol y pa wak riba termico cortico y largo, con pa yuda e scolnan pa asina bin cu alternativanan pa e muchanan por tin contacto cu cuminda saludabel y cu movecion, a bisa.
Ta comproba cu sobrepeso y obesidad ta un problema grandi na Aruba como mundialmente. Den e programa Scol Saludabel ta haci un evaluacion prome y di eynan ta bay wak con por yuda, kico mas mester. Asina den e proceso por stimula e muchanan pa tuma decisionnan mas saludabel, Swinda Dumfries a indica.
