Vocero di DIMP, Meverly Romano:
ORANJESTAD (AAN)-- Den entrevista cu Matutino DIARIO, señora Meverly Romano, Relacionista Publico di Departamento di Impuesto (DIMP), a duna di conoce cu ta bay tin videonan tutorial pa yuda e contribuyente con pa yena su formulario di declaracion di impuesto
“Via un portal un persona por autoriza e yiu, of e mama, tata of su casa, pa haci su declaracion p’e. E por autoriza tambe su accounting pa haci su declaracion p’e. Antes e personanan tabata traha un carta di autorizacion pa otro persona atende su asuntonan di impuesto. Aworaki, carta di autorizacion no ta necesario mas, pasobra via e portal e contribuyente ta autoriza un otro persona pa atende su asuntonan di impuesto p’e. Kiermen, si antes bo tabata hiba e papel pa e persona, awendia djis via bo portal bo por autoriza y ora e otro persona wak su declaracion ora e ta drenta den su portal, e ta yen’e p’e y e ta entreg’e”, Romano a reitera.
