ORANJESTAD (AAN): Minister di Husticia, Rocco Tjon, a laga sa dialuna durante un rueda di prensa
cu durante algun combersacion cu e tabata tin caba cu coleganan na Hulanda, e lo bay pidi asistencia pa Cuerpo Policial pa loke ta e parti di 'bedrijfsvoering' (operacion).
Esaki ta un punto di preocupacion cu el a trece pa dilanti na basta ocasion caba. Pesey mes for di Ministerio di Husticia ta bay bin c'un plan di maneho cu ta bay acapara e añanan benidero. E plan aki lo papia specificamente riba e parti di 'bedrijfsvoering' pasobra e ta asina importante pa e coleganan mes cu ta eherce e trabao, a bisa.
Pa loke ta e topico aki, tambe tin un plataforma den Reino, entre e diferente islanan, e cuerponan cu ta toca solamente e parti di 'bedrijfsvoering' y Aruba lo bay haci uzo di e asistencia tecnico aki, despues di nombra Korpschef, Minister Rocco Tjon a indica.
