Ta bay lanta e movemiento Soroptimist Aruba

ORANJESTAD (AAN): Den cuadro di e campana Orange the World di Nacionnan Uni cu e meta pa concientisa  mundo pa caba cu violencia di genero,

Soroptimist International y e Unie di Hulanda a sponsor e tapa bocanan aki na FCVR (Fundacion contra Violencia Relacional), ya cu ta den pandemia pa asina proteha pa e virus.

            Soroptimist International ta un organisacion mundial di hende muhe cu ta dedica na mehora bida di e hende muher y mucha muhe. Tin den mundo mas cu 90.000 soroptimista den mas cu 3000 club den 122 pais.

            E nomber di Soroptimist ta bini for di e idioma Latin SORES (zuster) di Optimist, Optimum, optimimalisa y ta para pa e miho pa hende muher.

            Soroptimist ta para pa Awareness, advocacy y Action. E metanan aki ta wordo implementa atrabes di e Sustainable Development Goals.

            Aruba ta bezig ta lantando e movemiento aki pa un club SOROPTIMIST ARUBA. Cu lo bira un club cu ta cay bao di UNIE di HULANDA y e Federacion di Europa.

            Pronto  lo ta bai informa pueblo di Aruba, mas tocante e organisacion aki.

            FCVR ta gradici soroptimist Hulanda pa e bunita support aki.