Omaira Britten tocante caso La Linda:
ORANJESTAD (AAN) – Diabierna ultimo, señora Omaira Britten a yama un conferencia di prensa pa duna informacion tocante e Caso La Linda, un biaha mas.
Omaira Britten a cuminza bisando cu e ta yama “prensa mensahero di pueblo” pero lamentablemente, el a haya un mensahero di pueblo cu a bay papia masha malo mes y difama un famia, den un noticiero local.
Britten a señala cu e miembro di prensa en cuestion no sa kico e caso ta ni kico ta biba cune, ni kico ta come y bebe, ademas e no ta hurista ni abogado, y ta pidi’e e fabor di cu ora e cubri un conferencia di prensa, bisa loke a wordo papia, y no loke e kier pone.
Britten a expresa e dicho: “Cuando el rio suena piedras trae”, indicando cu eynan por mira cu tur loke e miembro di prensa a papia ta non sense pasobra esnan concerni ta di acuerdo cu loke el a papia y bisa, y pesey for di akinan, nan ta bay hibe Recherche, pasobra el a menciona nomber di hende y a difam’e sin bisa kico ta e problema.
