ORANJESTAD (AAN) – Suyin Ridderstaat, “Project Manager di “Communications & Visibility Surfside Science”, di Metabolic Foundation,
den un interesante entrevista cu DIARIO, a duna di conoce cu nan ta midi e medio ambiente cu instrumentonan cu nan a bin desaroya.
Un di nan ta pa midi e rifnan, locual ta importante pasobra e rifnan ta e barera di lama grandi, dus ta proteha Aruba, y ta sostene nos eco-sistema bao di awa. Asina Suyin a relata, y sigui splica cu esaki nan ta haci cu un metodo cu por replica, e ta economico, unda nan ta wak imagennan di satellite cu ta bay bek te añanan 80, pero nan a cuminza desde 2002 pasobra e imagennan aki ta hopi miho.
Den esaki Christie Mettes, Mettes, coordinador di e proyecto a haci e investigacion y el a haya sa hopi di e cambionan den e rifnan di coral na Aruba.
