ORANJESTAD (AAN): Un di e popular weganan di Lotto keto bay ta Zodiac. Aki bo ta escoge un number consistiendo di cuatro cifra, despues bo ta agrega un
signo zodiacal. Despues di esey bo ta indica cuanto placa bo ta bet pa e wega. Sea ta 50 cent, of te maximo 25 Florin pa e bet.
Sunuelly a bay cumpra su numbernan favorito pa e wega di Zodiac anochi, y a pone su bet preferi na dje.
Y el a bin gana tambe e anochi ey! Pesey riba Dialuna el a acudi na oficina di Lotto na Playa pa reclama su premio. Aki nan a scan su ticket, y e computer a indica cu Sunuelly a gana 235.000 Florin.
Mesora nan a cuminza procesa e premio pa transferi esey electronicamente pa su cuenta di banco.
Sunuelly a indica cu e ticket ganador el a cumpra na Lucky Day.
