Fonds voor Cultuurparticipatie ta haci esaki
ORANJESTAD (AAN): Informacion for di Utrecht na Hulanda, ta indica cu e asina yama ‘Fonds voor Cultuurparticipatie’ ta duna subsidio pa educacion cultural na Aruba, Curaçao, y St. Maarten. Pa medio di e programa di subsidio aki, e Fondo ta encurasha e desaroyo y fortificacion di educacion cultural den scolnan di enseñanza special basico y secundario.
Pa institutonan cultural y profesional: Matutino DIARIO a haya sa cu por pidi un subsidio door di un institucion cultural o profesional cu ta sede na Curaçao, Aruba, of St. Maarten (cu tin por lo menos dos aña ta traha pa su mes riba tereno di enseñanza cultural).
E peticion ta pa un colaboracion entre e solicitante y un of mas scol. Tanto e solicitante como e scolnan mester ta situa riba e mesun isla. Bay na e website aki pa ricibi mas informacion tocante e programa di subsidio:
www.bit.ly/arubasubs
Por aplica pa un subsidio pa esaki pa e categorianan aki:
Exploracion (€5,000 - €15,000). Preparacion di proyecto ta tuma tempo. E subsidio aki lo permiti bo explora y prepara pa colaboracion riba un proyecto di educacion cultural. E ta provee oportunidadnan pa discusion, desaroya plannan, promove experticio, haci acuerdonan riba topiconan manera contenido, alocacion di tarea y financiamento, y test actividadnan.
Proyectonan (€15.000 – €50.000). E subsidio aki ta permiti bo desaroya y implementa bo proyecto. E ta disponibel pa proyectonan cu ta contribui na mas y miho educacion cultural pa scolnan basico y (secundario) specialisa. E educacion cultural ta tuma luga durante oranan di scol y ta adapta na e necesidad di e studiantenan.
Inscribi pa e sesion di informacion: Riba 9 di September y 18 di November venidero, e Fondo ta organisa sesionnan di informacion online. Durante e sesionnan aki, conseheronan di subsidio lo splica e programa di subsidio y su terminonan y condicionnan. Nan lo contesta tambe preguntanan di e esnan presente.
Pa inscribi aki pa e sesion di informacion, bo tin di bay na e website aki:
Tambe tin otro programanan di educacion cultural
Banda di e programa aki, e Fondo ta ofrece dos otro programa pa educacion cultural: Educacion Cultural den vmbo, vso, pro 2025-2028 y Education Cultural den mbo 2025-2028. Tur dos programa ta disponibel pa solicitante di e parti Caribense di Reino Hulandes.
Mas informacion: Si acaso bo no ta sigur si bo idea ta cualifica pa e subsidio aki o nos otro programanan di educacion cultural? Tuma contacto cu un di nos conseheronan, inscribi pa un sesion di informacion, o e-mail bo pregunta na This email address is being protected from spambots. You need JavaScript enabled to view it..
E potret aki saca na Sacred Heart School, pa cortesia di Valerie van Valkenburg.
