Edwin Jacobs, director SVb:
*Practicamente ta Reino Hulandes so tin algo asina
ORANJESTAD (AAN): “Un estilo di pensioen manera esun cu tin na Aruba, cu ta garantiza un entrada minimo ta scars na mundo”.
Asina Edwin Jacobs, Director di SVb, a menciona den entrevista cu DIARIO, den contexto di e di 65 aniversario di intro-duccion di Pensioen di Be-hes, na Antiyas Hulandes, dia 1 di September 1960.
“Bo por bisa, practica-mente Reino Hulandes so, tin algo asina aki, cu ta edifica riba derechonan cu bo ta adkiri den tempo. Otro paisnan tin un tipo di pensioen di estado; pero pensioen di estado no ta un derecho, y dia cu gobierno dicidi cu e tin cu corta, e ta corta den dje, y bo ta perde bo pensioen. Pues, e no ta un sistema asina fuerte manera nos sistema di AOV ta”, Edwin Jacobs a señala.
El a subraya cu esaki ta motibo pa keda cuida e fondo di pensioen. “Nos keda cuida nos sistema di pensioen, y den e parti ey SVb su compromiso ta pa keda monitor, keda aconse-ha gobierno na tur momen-to, con nos por mantene e sistema aki uno pagabel, pa e proximo generacion-nan tambe”, señor Jacobs a remarca.
El a comenta tambe, cu hende den bida tin ciclo. “Den e ciclo di bida ey, hendenan ta busca manera di haci lo miho cu e por den e momento cu e ta bibando. Un persona hoben tin otro necesidad cu un persona mas grandi. Prome cu bo forma un famia, bo priori-dadnan tambe ta diferente. Bo kier mira cas, bo kier pa bo yiunan bay scol, educa nan, etc. P’esey ta importante pa bo percura pa bo sistema di pensioen, no ta un es-cogencia, pasobra e ser humano lo bay scoge, por lo general awe, lubidando mañan. P’esey bo sistema di pensioen mester ta ob-ligatorio (participacion obligatorio den dje), paso-bra na final di dia ora cu e persona yega edad di pen-sioen, e ta haya beneficio di dje”, director di SVb, Edwin Jacobs a resalta.
