E hoben di fam Van der Biezen, cu ta forma parti di e grupo di Trayecto Formacion Social,
den entrevista cu Seccion Hubentud den Movecion, a conta nos un tiki di locual tabata su experiencia prome cu a drenta y unda e ta awo.
Van der Biezen ta un hoben cu prome cu el a drenta SVT, no tabata sa kico e ta bay haci ni kico kier a logra den bida. Aunke e tabata traha, e no tabata pensa mas dilanti.
El a studia na Hulanda pero despues a bin bek Aruba y drop out, pero a busca trabao. Ta un amigo cu a studia pa bira polis ken a sugeri e pa bin na Kazerne y purba cu e opleiding di SVT.
El a bay berdad, a para den un booth, y nan a yame pa yena su nomber, locual el a haci, pero no ta algo cu el a dune hopi importancia e momento ey. Nan a bolbe yam’e y el a bin . El a menciona cu el a siña mas e ora ey di loke ta SVT. E opleiding a mustra cu ta algo duro, pero cu tambe lo por a cambia su bida y a bay p’e.
“Awo mi ta un persona mas disciplina, mas na tempo, e ta cumpra su pañanan mas nechi pa ta miho presenta, pero mas importante ta cu el a siña traha den team, yuda otro sin ningun distincion, y bayendo padilanti mi ta mira cu mi a scoge un bon direccion den bida”, e hoben a menciona.
E opcion tey pa sigui den e mundo militar, pa bay Arumil si e ta desea. E no a dicidi ainda, pero lo pens’e bon, pasobra e ta un paso hopi grandi. Si no t’esey e lo bolbe su scol pa sigui studia.
