Studiantenan di International School a organiza un Bake Sale pa yuda Fundacion ABO

ORANJESTAD (AAN): E siman aki, QSI International School of Aruba hunto cu nan alumnonan a duna honor na Dia di Concientizacion di Cancer di Pecho.

   Hunto cu e Secondary Student Council, nan a organiza un Bake Sale pa asina recauda fondo pa yuda fundacion na Aruba cu ta yuda concientiza tur hende pa cu e causa importante aki.

   Danki na generoso donacion y sosten di e mayornan, docentenan, y studiantenan mes, nan a ofrece varios producto na benta, incluyendo cuki, donuts, mangel, cos dushi, ice-cream, goodie bag di Halloween, push-pops, oreo, chips, y frozen drink.

   Cu yudansa di tur hende presente na e Bake Sale, nan a logra recauda y lo bay haci donacion di 1.030 Florin na Fundacion ABO, pa sostene nan trabao.

   Un aplauso grandi pa e alumnonan y tambe e Secondary Student Council cu nan trabao duro, dedicacion, y energia tras di tur esaki.