Studiantenan di Filomena College MAVO tambe den Parada Cultural di Brazil

ORANJESTAD (AAN): Recientemente durante e parada cultural 2026 di bario di Brazil, por a mira alumnonan cu curason pa cultura di Aruba den dje.

   E alumnonan aki ta di Filomena College MAVO na San Nicolas.  Tambe por a mira algun maestro di e scol aki presente disfrutando y apoyando e parada y nan alumnonan.

   Filomena College MAVO ta sigui ta e scol cu ta promove cultura y su talento cultural ya pa algun aña sigui.  Filomena College MAVO ta felicita fundacion Chico Harms, tur grupo y boluntario cu e aña aki a haci e evento grandi aki asina unico.