ORANJESTAD (AAN): Recientemente Ministro demisionario Ursell Arends, a wordo entrevista door di studiantenan di Universidad di Aruba,
y aki a enfoca principalmente nan interes den proteccion di flora y fauna di Aruba contra e impacto negativo di UTV's.
Pa Ministro, el a keda orguyoso di mira cu e studiantenan aki di Facultad OGM na Universidad, lidernan di mañan, ta mustra compromiso pa defende nos naturalesa.
Nan a ricibi copia di e buki ‘Rechten voor de Natuur’ di e autora Jessica den Outer, cu ta enfoca riba e movimento huridico cu ta creciendo mas rapido den siglo 21, esta derechonan pa Naturaleza. Mas y mas lugarnan rond mundo, tanto mondi, rieu, y seronan ta wordo considera awor como ‘rechtspersonen’, titulo similar cu negoshinan tin. Hecho ta cu naturalesa tin derecho pa existi, pa florece, y keda mantene procesonan ecologico na bida.
