Studiantenan di Colegio San Agustin a disfraza manera artista

ORANJESTAD (AAN): Den cuadro di e ‘Siman di Locura’ organiza pa Fundacion FADA Aruba,

pa asina yuda concientiza mas hende riba con malo droga ta, a nota cu alumnonan di Colegio San Agustin tambe a participa den actividadnan cu e aña aki a draai rond di e tema di ‘Life is a Movie – Film Drug Free’.

   Riba Diaranson, e alumno- y docentenan a yega scol cu nan mea di emocion bisti.  Esaki den cuadro di e tema di ‘Bo Emocion ta Conta’, unda bo ta bisti un mea di emocion.

   Diahuebs e tema a bira ‘Bida ta un Pelicula sin droga’.  Aki nan a bisti como nan actor of actriz preferi, of por a bisti tambe como caricatura faborito.  Y resultado tabata e dos grupo aki cu a bin hopi fenomenal bisti, y nan tabata cana rond ta mustra tur hende nan mea.  Pabien na esnan di Colegio San Augustin cu esaki.