Studiantenan di Colegio Nigel Matthew a bisti sea como artista of character

ORANJESTAD (AAN): E siman aki tin algo unico pasando na Colegio Nigel Matthew na San Nicolas.

  Nan ta organisando pa tur e cinco dianan di e siman aki, un concientisacion cu ta ser yama “Colegio Nigel Matthew Spirit Week”.  Esey a encera cu cada dia, e studiante- y docentenan tin di haci algo pa asina mantene e humor, ambiente, y bon spirito na e scol den nivel positivo.

   Segun e programa di ‘Spirit Week’ aki, riba Diahuebs 9 di November e alumnonan por a bay scol bisti sea como nan faborito artista, of character di cualkier pelicula of cartoon.  E asina yama ‘Artists vs. Characters’ a pone cu varios alumno a bay scol, bisti den tal forma cu nan ta imita nan nan artista of character faborito.  Y esaki a produci momentonan di alegria cerca tur hende, acompaña pa sacamento di potret bay goal.