ORANJESTAD (AAN): Un actividad na e boardwalk di Eagle Beach ta den preparacion.
DIARIO a haya sa cu studiante di Grupo LTH 4-3B ta organizando un actividad pa recauda fondo.
Ta trata aki di ‘Eagle Board-Walk’, cu ta un 5K Fun Walk y cu e meta principal pa recauda fondo. E fondo aki lo bay pa e.o. Colegio EPI su ‘Student Affairs’, y un parti lo ta donacion pa ‘Nine Lives Aruba Foundation.
E caminata aki lo bay ta Diasabra 14 di December 2024, cuminzando pa 4:30 pm na e area di parking net panort di Costa Linda Beach Resort, na Eagle. E actividad ta planea pa finaliza pa 6:30 pm.
Lo bay cobra un suma hopi chikito pa participacion.
