ORANJESTAD (AAN): Recientemente WEB Aruba NV a haya bishita di minister Rocco Tjon,
kende actualmente ta encarga di e Ministerio di Labor, Energia y Integracion.
Gerencia di WEB a ricibi e minister, caminda el a haya un presentacion general tocante WEB su esfuersonan pa cumpli cu e demanda halto di energia y WEB su futuro proyectonan relaciona cu energia fosil y energia renovabel. Tambe a splica di proyectonan pa upgrade nos red di distribucion di awa.
Minister Rocco Tjon finalmente a haci un recordido den e planta, acompaña pa director Alfredo Koolman y tour guide Waldo Wilson.
