Studiantenan di Colegio Arubano HAVO a ricibi nan diploma

ORANJESTAD (AAN): Diabierna cu a pasa, e alumnonan cu a gradua pa nan diploma di HAVO na Colegio Arubano,

a acudi un atardi na Renaissance Conference Center pa asina ricibi esaki den nan man.

   E alumnonan a presenta di gala bisti na e ocasion special y memorabel di nan bida.  E sala mes tabata yena di famia y amigonan cu a presencia e momento special aki.  Ambiente tabata fenomenal, y por a mira con hopi cara orguyoso tabata cana rond.

   Pabien na tur graduado di HAVO.  Boso dedicacion, perseverancia y esfuerzo a produci bon fruta.  Disfruta di e momento special aki, pasobra boso a obtene e diploma aki na forma bon mereci.

   Cu e tema “A New Chapter is on the Horizon”, nan ta mira cu yen confianza pa cu tur cos cu ta na caminda.  Sea bo ta sigui studia, of ta tuma un aña di break, of ta bay den un aventura completamente nobo, Rectorado y docentenan a desea nan tur hopi exito, felicidad, y oportunidadnan grandi.

   Nan ta gradici tur esnan cu a haci e atardi y anochi aki posibel, incluyendo e grupo di scol mes, ‘Tipico Colegio’, e team di Renaissance, DJ Splash, DAC Image, Elite Entertainment, Karina Decoration, y tur mentor di Havo 5 y VWO 6, y tambe tur docente cu a colabora tras di cortina.  E potretnan aki pa cortesia di Colegio Arubano.