Studiantenan di Colegio Arubano cu a sobresali den 3er periodo di Examen

ORANJESTAD (AAN): Despues cu e di tercer periodo di School Examen a finalisa recien na Colegio Arubano,

ya caba e cifra y resultado di e alumnonan a bira conoci.  Y manera cu a bira tradicion awor, Rectorado ta honra e alumnonan di tanto HAVO-5 como tambe VWO-6 cu a demostra un logro grandi door di obtene punto mas halto den nan vak.

   Den cuadro di esey, Diabierna mainta durante 1er Pauza di les na Colegio Arubano den Vondellaan, e alumnonan cu a sobresali a ser presenta net dilanti Hal di e scol pa haya reconocimento.

   Nan a wordo yama uno pa uno dilanti, y a ricibi un regalito chikito pa asina recorda e momento aki, y alavez bira un estimulo pa nan sigui haci nan best pa e Examen Central final cu ta bay start dia 13 di Mei venidero.