ORANJESTAD (AAN): Recientemente Colegio Nigel Matthew a organiza un Rifa pa asina yuda un grupo di scol pa haci nan biahe pa costa oost di Merca na 2025.
E rifa tabatin algun premio grandi pa stimula mas benta di esaki. Prome premio tabata di 5 mil Florin, di dos premio ta un Jug di Fin di Aña conteniendo productonan balora na 3 mil Florin. Di tres premio tabata gasolin pa 1 aña largo, balora na 2.000 Florin.
Sorteo a tuma lugar Dialuna durante pauze di scol mes, den presencia di publico. Prome premio a bay pa ticket #068226, di dos premio pa #070133, y di tres premio pa #079316.
A resulta cu ta un alumno mes di Colegio Nigel Matthew a bira e ganador di e premio mayo di 5.000 Florin cash. Riba potret por mira e alumno di fam Rasmijn cobrando su premio. Rectorado di scol ta gradici tur hende cu a aporta pa realiza e biahe educativo aki pa studiantenan.
