Den cuadro di transformacionnan global
ORANJETSAD (AAN): Su nomber ta Claire Durang, y e ta un studiante di Universidad di Utrecht. E ta tumando parti di un proyecto di investigacion basa riba comunidad di Aruba bao auspicio di Universidad di Aruba y Departamento di Agricultura, Cria y Pesca (Santa Rosa).
Su investigacion lo explora e retonan y vulnerabilidadnan cu piscadonan y nan famia ta enfrenta den temponan di cambionan global cu ta tumando lugar. Transformacionnan global den e caso aki ta inclui e impacto cu islanan ta enfrenta di e.o. cambio climatico, e necesidad pa paisnan atene metanan di desaroyo sostenibel, y traha pa yega na un turismo sostenibel. Pa compronde miho con e transformacionnan aki ta afecta e comunidad di piscado di Aruba, lo haci un estudio proximamente.
Investigacion: E ta desea di bishita piscadonan y comunidad y scucha storianan cu algun di nos piscadonan y nan famia ta dispuesto pa comparti. Mas specificamente, mi ta ancioso pa siña for di piscadonan di Aruba, con lo por crea e balansa entre implementa deseonan di conservacion, manera areanan di parke marino, mientras envolviendo, scuchando y tumando encuenta e necesidadnan di stakeholder local manera piscado di Aruba particularmente.
Pa logra metanan comun den practicanan di bon gobernacion, ta esencial respetanan tur partidonan envolvi. Den e caso di piscamento, e ta particularmente importante pa proteha e recurso natural, mientras ta percura pa tradicion y entrada economico cu ta depende di e recurso natural sigui worde eherce. Proteccion di naturalesa lo mester keda implementa cu suficiente concientisacion, envolvimento di gruponan di interes y pesey no por bin a costo di neglisha e necesidad y deseonan di comunidad di piscadonan.
E ta desea di curason pa por observa, scucha y compronde e punto di bista di piscadonan di Aruba mes. Atravez di un colaboracion estrecho cu Santa Rosa su seccion di pesca, mi ta desea y lo purga di acerca mas tanto piscado di Aruba, di tur tipo, cu ta posibel pa asina por logra un bista mas completo y corecto pa e investigacion. E pensamento ta cu e estudio aki por contribui pa mihor meta y vision pa formulacion di maneho practico pa futuro.
