ORANJESTAD (AAN): Diadomingo 21 di November, e studiantenan di Organization, Governance and Management a saca e ganadornan di nan rifa.
E rifa a ser organisa den cuadro di un excursion educacional cu a tuma lugar na Den Haag, Hulanda den luna di november. E excursion tabata parti di e ‘Minor Kingdom Relations’ pues, un curso tocante e relacionnan gubernamental entre e miembronan di Reino Hulandes.
E curso aki ta ser duna door di ‘The Hague University of Applied Sciences’. E studiantenan a bishita diferente institucion entre otro; ‘Raad van State’, ‘Tweede Kamer’ di Hulanda y ‘Ministerie van Onderwijs, Cultuur en Wetenschap’. E studiantenan tawata tin un experiencia cu hopi enseñansa y tawata tin e gran oportunidad di comparti cu diferente lider den e tereno di gobernacion den Reino Hulandes.
E resultado di e rifa ta lo siguiente: Premio 1 Weekend stay na La Cabana e ganador ta Marcia Boekhoudt, cu ticket ganador: 322. E resto di premionan lo tuma contacto cu tur ganador telefonicamente. Ta pidi tur ganador pa trece un identificacion valido y e ticket ganador pa reclama nan premio.
Lo entrega tur premio dia 6 di December 2021 pa 2 or di atardi na Universidad di Aruba. Na nomber departamento di OGM y di e studiantenan cu a participa den e excursion educacional, ta gradici Universidad di Aruba y tur cu a contribui na un of otro forma na e realisacion di e excursion aki.
Ta gradici specialmente tur esnan cu a yuda recauda fondo.
{gallery}Studiante di Organization, Governance and Management a saca e ganadornan di nan rifa{/gallery}
