ORANJESTAD (AAN): Departamento Meteorologico di Aruba a informa cu e situacion general di tempo pa loke ta e proximo oranan lo ta e siguiente:
Humedad den area lo ta limita durante proximo 24 ora. Sinembargo, durante oranan di marduga y mainta temporalmente mas nubia lo por bay pasa over di region local cu localmente un awacero pasahero te breve.
Di otro un banda por bisa cu stof fini di Sahara lo bay drenta area di Caribe atrobe y causa visibilidad reduci durante proximo dianan.
Condicionan maritimo/ estado di lama: ta spera un estado di lama leve na partinan protehi, y leve te modera na partinan zuid. Na partinan oost te noordwest lama lo ta modera cu olanan entre 3 pa 5 pia.
Tempo tropical significante: Tormenta tropical Wanda ta move west-noordwest di Azoren riba Atlantico Central y no ta di importancia pa Caribe.
Pronostico di tempo pa proximo 3 dianan: parcialmente nubla cu un awacero pasahero te breve. Biento lo ta for di generalmente direccion oost y modera; basta fuerte te fuerte den rafaga; temperatura (grado celsius) max / min lo ta: 31 / 27.
