General Hits: 914

Stimula y promove e comercio lo mehora e conexion economico entre e islanan

General Hits: 914
Stimula y promove e comercio lo mehora e conexion economico entre e islanan
General Hits: 914

Reunion di Camaranan di Comercio y Industria di Caribe Hulandes (DCCC)

ORANJESTAD (AAN):  Siman pasa e miembronan di e asociacion di Camara di Comercio y Industria di Caribe Hulandes (DCCC) a reuni na Corsou.

Durante e reunion a discuti varios asunto relaciona cu e economia di e islanan Caribe Hulandes y a intercambia ideanan encuanto nan servicio. Alabes, a delibera riba e “Landspakket”, relacion cu Venezuela, reglanan nobo di registro di negoshinan y con pa mehora e conexion economico di e islanan.

   DCCC ta consisti di Camara di Comercio di Aruba, Bonaire, Corsou, Sint Maarten, Saba Y Sint Eustatius cu ta representa mas di 65.000 empresa en total.

   Despues di un dia fructifero di delibera riba diferente topiconan y intercambia conocemento y ideanan, e miembronan di DCCC a firma un documento cu 3 punto cu ta importante pe e economia di e islanan:

  1. Camaranan di Comercio y Industria ta apoya e implementacion di “Landspakket” pa aumenta e resilencia di e economia di e islanan di reino. Alabes, ta considera esencial pa e reforma fiscal, social, economico y laboral conduci na un mehoracion sostenibel. Den e documento tambe ta declara cu ta fundamental pa tin un enfoke holistico y integral y cu e participacion significativo y oportuno di e stakeholdersnan ta di sumo importancia. Ademas ta enfatisa cu pa aumenta e transparencia di e reformanan, mester pone e recomendacionnan disponibel pa publico.
  2. Pa habri frontera cu Venezuela mas pronto posibel teniendo den interes di nos comunidadnan y
  3. pa promove y facilita comercio.
  4. Pa stimula y promove e comercio entre e islanan di e manera mas economico y mehora e conexion economico entre e islanan.

   E documento a wordo firma door di Sr. W. Jonckheer, Presidente di Camara di Comercio y Industria di Corsou, Sr. H. Groot, Presidente di Camara di Comercio y Industria di Bonaire, Sr. H. Van Xanten Presidente di Camara di Comercio y Industria di Saba y Statia, Sra. J. Carty, Presidente di Camara di Comercio y Industria di Sint Maarten y Sra. M. Kock, Presidente di Camara di Comercio y Industria di Aruba.