Dalgis Montalvo, director di Stichting HUNTO:
ORANJESTAD (AAN)- Señora Dalgis Montalvo, Directora di Stichting Hunto, a sigui splica tocante e casonan di hobennan cu a wordo afecta pa vaping y cu a yega for di diferente via, na e Fundacion.
“Pa nos e tabata diferente etapa. Uno, e docente a manda e caso pa nos. Of nos a tende cu e mucha a bay hospital, nos a bay wak kico ta e situacion. Tabatin caso di muchanan cu den gang nan a bay uza y nos a tabatin un caso tambe di un grupo cu ya ta muchanan di examen klas, cual en principio, e mucha nan aki lo mester a wordo kita for di scol, mirando cu nan test positivo tambe. Kico nos a haci ora pe muchanan aki no perde scol?
Nos a sinta cu e docentenan di scol, e ora nos a bay over na duna e muchanan aki un trayecto ambulatorio, cu psico-educacion, puntra kico bo ta usando, pa kico bo ta usando esaki, kico ta efecto na di uso di substancianan aki. Tambe nos a name e docentenan, dos docente tambe a haya un training over di uso di substancianan aki, y tambe e mayornan. Dus, nos a sera un contract, o sea aki ta pa yuda e grupo aki, cual nos tin cu biza a bay hopi bon. Muchanan por a caba nan scol tambe, nan por a presenta na examen y nan te ainda nan ta clean.
Dalgis Montalvo a comenta cu pa scol y mayor esaki tabata exitoso, pasobra nan mayor no tabata sa cu mucha aki ta den uso di substancia.
“Dus, nan ta hopi biaha cu un e guia, papiando cu nan, yuda e confianza ‘build up’ e confianza, esey ta partinan cu nos ta mira cu ta cardinal tambe. Dus, e no ta solamente problematica di mucha cu ta yega na uso di substancia, pero tambe kico tur tin rond di e mucha aki cu ta pone bay ey nan, y e media, e trendnan, e kier ta tough, e kier ta haci algo otro, e kier ta busy, pero no “sanamente busy”. Dus, tur esaki ta factornan cu nos ta mira cu den hubentud tin hopi necesidad, hopi necesidad mes, dus e no ta solamente ban bisa e parti aki di vaping, pero tambe kico ta pasando cu nos hobennan, esey tambe ta un otro asunto, nos no kier yame proyecto, pero tambe un otro problematica cu nos ta mirando desde Stichting Hunto cu tambe ta bay haci un ‘focus group’ pa mucha, y pa hoben mes.
Pa nan mes por vocifera kico ta necesidadnan cu nan tin, kico ta e cosnan cu nan ta hayando falta di dje. Dus, pa nos di Stichting Hunto, hopi biaha no ta solamente e parti di mental health, of e parti di adiccion, no; e ta algo completo. Actualmente na Aruba bo no tin un familia cu no a haya nan mes den un problema cu adiccion, no a haya nan mes un problematica di salud mental, bo mes un yiu nan, bo casa, bo... E ta asina cerca di nos tur.
Awo pa pensa si nos bay mas, hasta riba personanan cu ta yega na un decision final. Dus, e ta algo cu ta concerni tur hende, p’esey pa nos ta importante, cu no ta keda na nos so, como organizacion pa haci algo na dje, pero tambe instancianan. Pues, p’esey tambe pa cu e parti di vaping, tambe pa nos ta importante cu nos por a track cu a activa e ley di tabaco”, segun Dalgis Montalvo, Director di Stichting HUNTO.
