Stichting Ambiente Feliz cu actividad pa recauda fondo riba Dia Mundial di Personanan cu Limitacion

ORANJESTAD (AAN):  Luky Croes, Beleidsmedewerker na Fundacion Ambiente Feliz a indica cu riba diasabra cu tabata Dia Mundial di Personanan cu Limitacion, a tene un actividad pa recauda fondo pa e clientenan cu limitacion mental.

            El a bisa cu nan ta organisando nan prome evento di December cu ta nan 'Christmas Food Drive' na unda cu ta puntrando comunidad pa yuda cu cualkier producto comestibel, di limpiesa, entre otro, pa asina por sigui yuda e clientenan.

            Diasabra a tabata tin colecta di 9 am pa 3 pm cu animacion di algun artista cu a duna sosten cu nan participacion.

            E dia aki a conta cu bunita ambiente y den espera cu comunidad por a duna un man. Esnan cu kier haci un donacion ainda por pasa Santa Cruz 75 como tambe na Palisiaweg na San Nicolas.