Arubiano Arelis Spanner di British Airways:
ORANJESTAD (AAN): Arelis Spanner, un hoben stewardess cu ta traha abordo di British Airways, a combersa cu DIARIO den un entrevista hopi ameno, poco despues cu e vuelo a baha na Aruba.
Arelis tin seis aña caba bibando na London, y esaki semper tabata un soño cu e tabata tin pa bula, bishita paisnan y conoce rond mundo. “E oportunidad a drenta pa mi join British Airways, y mi a tum’e. Mi tin seis aña trahando cu British Always y conociendo mundo”, e dama a expresa.
El a haya su prome vuelo cu a baha na Aruba, y e ta sinti su mes cu emocionnan mixto y emocional tambe.
“E invitacion di British Airways pa mi ta parti di e crew pa e prome vuelo pa Aruba, pa mi tabata algo hopi grandi y exciting. Mi ta hopi contento!” el a acentua. Mi base ta Heathrow anto e vuelonan pa Aruba ta for di Gatwick, y mi no por traha riba nan, pero e lo habri caminda si, pa mi bin cas mas sigui”, Arelis Spanner a expresa.
