Stephany Celaire corona como Reina di Do It Center Aruba

ORANJESTAD (AAN): Durante temporada di Carnaval, e prestigioso empresa di Do It Center Aruba

a dicidi na organisa un campaña pa escoge nan mesun Reina di Carnaval.  Esaki a bay via di Social Media, unda nan a invita nan siguidornan pa ‘vota’ pa nan candidata preferi.

   Recientemente nan a corona e Reina cu a worde escohi door di siguidornan riba Social Media.  Na final di Januari, e ganadora maximo a bira Stephany Celaire.  Stephany a representa Lumber Department na Shaba.  El a wordo instala, y despues corona door di Keith Ponson di Do It Center.

   Tur otro cantidata tabata presente y tur a haya diferente regalo, cualnan a wordo ofreci door di diferente compania local.

   E demas candidatanan cu a participa na aña 2024 tabata Daisha Ruiz, Melaida Wong, Marilain Yarzagaray, Gianimaris Croes, Gabriela Geerman, Deborah Bomba, Ju-endra Loefstok, Vivian Bareño, Daniela Cardona, Yeisy Maltez, Scarlin Kock, y Darlaine Chong.