Nos a ricibi e tristo noticia for di Corsow cu e futbolista internacional a bay laga nos.
Despues di un temporada di un quebrante di salud, Abel cu den su juventud a crece den e vecindarionan di Steenrijk, Sherasil y Mariepampoen. Cu un edad joven el cuminsa hunga bala banda di cas y na school.
Despues a bai hunga bala den clubnan organiza di C.V.B. entre otro S.V.Veendam y su club di su curason cu ta S.U.B.T. "Barica geelnan di Kintjan". Abel a pasa den tur e regionnan di S.U.B.T. tanto como hungador y miembro di directiva y te na ser presidente di S.U.B.T.
Abel tabata miembro di directiva di F.F.K. tambe. Abel a debuta como futbolista internacional na aña 1964 participando den un torneo di CONCACAF na Mazatenango, Guatemala, representando Antiyas Hulandes den e seleccion nacional. Abel a hunga como defensa titular cu hopi exito den e torneo aki.
E tabata tin un actuacion masha destaca hunto cu hungadornan manera Oslin Toppenberg, Reginald Hato y Oslyn "Loco"Delanoy, defensanan manera Eric Victoria, Pim Firma, Urbano Kock, Roy Simon Franklin Flokker qepd, Betico Dubero qepd, y bou di capitania di Frank Richardson. Tabata un gran seleccion Antiyano di Futbol caminda Antiyas a keda campeon invicto derotando e seleccion di Mexico, seleccion di Honduras y empate cu e seleccion di Panama.
E seleccion a hunga e sistema di 4-2-4 cu un delantero hopi consistente consistiendo di hungadornan manera Ronnie Elizabeth, Frank Francisca, Richard Jacobs (qepd), Raymond Jansen y Remigio Jacobs y Frank Richardson como capitan y organizador di e ataquenan for di medio campo y sumistra na ataque den e sistema di 4-2-4 cu e sistema di 2 “punto di Lanza.”
Den e final na ciudad di Guatemala, San Salvador a keda campeon invicto cu 6 punto, Guatemala, Antiyas Hulandes y Honduras a keda cu 2 punto cada uno pa di 2 tres y cuarto lugar, pa medio di gol average. Un remarke di e seleccion aki no a sali ningun hungador den e top 100 di Corsow. Kico a pasa cu e expertonan anto? Abel a keda hunga futbol na Corsow, despues a studia na Hulanda pa sigura un mihor futuro , ela regresa despues 6 aña cu su pampelnan di exito y pa traha na e refineria di Corsow.
Abel tabata un bon compañero tanto den tereno como pafor di tereno. Nos di Aruba ta manda un condolencia grandi y efectivo pa su sra, yuinan y demas familia.
Cu Abel sosega na Paz.
Foto: Abel ta aserca e grupo den celebracion di un gol, na Guatemala
Relato di Ronny Elizabeth
