SPEEDWORLD 26 OCT 2022

Speedworld cu bo amigo Hubert ‘Furai’ Tiel, tambe a pasa bishita e careda di autonan remote control,

cu a ser teni den Stadionweg riba e parkinglot largo cu tin net pariba di Compleho Deportivo Guillermo P. Trinidad.  Tabata trata di e competencianan titula “The War of Outlaws Shootout”.

   E tabata un evento cu tabata dunabo un sentimento total di satisfaccion pa sinta mira, pa aprecia e precision di e coredornan cu e remote control den nan man, y con agil y rapido e autonan aki ta core riba caminda.

   Mas cu claro, e atencion di mucha y hobennan tabata claba y enfoca riba e movimento di e autonan, y pa nan ta un diverticion pa mira ora cu e autonan aki dal, of bolter.

   Un palabra di pabien na e organizadornan “+297 NPRC No Prep Remote Control Racing.  Nan tambe kier a bisa un danki na tur fanatico cu a yega y support e careda den gran forma.  Tambe a gradici Ministro di Deporte cu a duna su sosten, y a yuda cu tur logistica pa e evento tuma lugar.  E resultado di careda ta como lo siguiente.

   Den categoria Super Stock 13.5T Blinky, e campeon ta Aaden Thijsen.

   Den categoria ARMMA 1/7 Scale Careda di Macho, e campeon ta Papito Morel.

   Den categoria 13.5T Grudge Super Stock, e campeon ta Edgar Petrocchi.

   Den categoria Street Outlaw Shoot out, e campeon ta Edgar Petrocchi.

   Den categoria Kids, den Power wheels stock, e campeon ta Jaythan Kelly, y sub-campeon ta Kijanu Bremo.

   Den categoria Kids, Power wheels Street Outlaw, e campeon ta Zailha Lanoy, y sub-campeon ta Jenelle Croes.