Speedworks BMX Team a bautisa su uniform nobo

ORANJESTAD (AAN): Den oranan di anochi a tuma lugar dilanti Habibi Express den Paardenbaaistraat na Playa, e bautiso di uniform nobo di un team di BMX.

   David Simon a splica cu e team di BMX a wordo lanta na 2022 door di dje mes.  E mes como ex-coredor di BMX, awor a lanta un team cu yama ‘Speedworks BMX Team”.

   Habibi Express ta un patrocinador cu ta contento di por sostene un team cu ta traha cu mucha.

   Speedworks tin dos careda pendiente e aña aki, di cual uno ta dia 3 di Juli 2022, y tambe na 6 November 2022 cu un careda cu lo wordo organiza na Jaburibari. Tambe tin pensa di bay cuminza core den exterior, pa asina representa Aruba den deporte di Bike Cross.

   Speedworks ta un team chikito te ainda, pero cu miras pa bira mas grandi.