AGUADILLA: Agentenan di Air and Marine Operation (AMO) di US Customs and Border Protection a intercepta un speedboat cu center console cerca di Cabo Rojo,
y abordo a bin haya 315 kilo di cocaina scondi parti paden, y tambe un arma di candela. Tur dos hende abordo a wordo aresta. E cocaina tin balor riba caya di como 6.3 miyon Dollar.
Tabata Diamars cu un helicopter AS-350 di AMO tabata patruyando e area di Cabo Rojo y nan a detecta e speedboat aki cu single outboard engine ta bayendo direccion pariba cu velocidad halto.
E tripulantenan a keda mantene contacto visual cu e speedboat, mientras nan a pidi un crew di AMO Mayaguez Coastal Interceptor pa subi lama pa captura e speedboat.
Esey a ser haci, y ora cu nan a trece nan na Pier y a bay check e parti paden, e ora a haya 250 paki den un compartimento secreto den dje. Den paki tin un substancia cu a test positivo pa cocaina.
Tur dos miembro di tripulacion ta Mericano.
