ORANJESTAD (AAN): Recientemente e ciudadano señora Ophelia Beyde a lanta un caso sumario contra di e reportero Nelson Manuel Quarto 'Speed' Andrade relaciona cu expresionnan haci den direccion di su persona y cu no tabata tin base.
Diaranson, den Corte, huez a dicta su sentencia den e caso aki y a conclui cu 'Speed' Andrade no por a prueba locual el a expresa durante su programa di radio Enfoque, dia 19 di April 2021 unda el a referi na Ophelia Beyde relaciona cu e investigacion den caso Avestruz, cu Beyde a horta password for di e computer di Leoncita Arends, cu el a reparti durante eleccion 2017 pamfletanan/corant den cual e ta acusa Leoncita di practicanan dudoso relaciona cu terenonan erfpacht cu ta pertenece na pais Aruba y ademas a expresa cu Beyde ta mal trahador.
Hues a dicta cu Andrade mester rectifica den dos dia di tempo riba locual el a afirma contra Beyde sin cu tin prueba.
