Ministerio Public
ORANJESTAD (AAN): Ministerio Publico a informa riba e ultimo desaroyo relaciona cu e caso di tiramento banda di veld di Winston na Santa Cruz, caminda un hoben di 16 aña a wordo tira mata.
Diasabra ultimo Polis a bolbe detene e sospechoso C.S. den e investigacion di e tiramento. E sospechoso tabata deteni caba den e caso, pero a lag’e bay na un dado momento. Sinembargo, desaroyonan nobo den e investigacion a haci cu a bolbe detene.
E tiramento a tuma lugar riba 22 di juli 2026 y a costa bida di un hoben di 16 aña. Desde e dia ey polis y Ministerio Publico ta investigando intensivamente.
Den e prome fase di e investigacion polis a detene siete persona. Di e grupo aki tin tres sospechoso deteni keto bay.
