SKOA y Grupo Rolf ta celebra 7 aniversario di colaboracion

Aki dos siman SKOA tin su Congreso Nacional di Enseñanza

ORANJESTAD (AAN): Dia 4 di November venidero, lo tuma lugar pa di siete biaha e Congreso Nacional di Enseñanza di SKOA.  E congreso aki cu ta un iniciativa di SKOA y Grupo Rolf, a crece y a converti su mes den un evento habitual y balora pa tur profesionalnan di educacion cu ta traha na SKOA.  E dia aki ta ofrece hopi inspiracion, ideanan inovador, y tayernan practico, cu e meta di reforza e calidad educativo y suministra hermentnan pa e desaroyo profesional di e participantenan.

   E cooperacion entre SKOA y Grupo Rolf a sa di demostra di tin gran balor.  Ya pa siete aña caba e Grupo Rolf y SKOA ta colaborando cu hopi entusiasmo.  Entre otro den e congreso di SKOA, unda Grupo Rolf no ta djis sostene e organizacion, sin tambe ta contribui na parti di e programa di contenido.  E mision conhunto pa enrikece y fortalece enseñanza ta uni su mes maraviyosamente den e evento aki.

   E aña aki e Congreso Nacional di Educacion di SKOA ta bolbe wordo dedica na intercambio di conocemento y inovacion.  E participantenan lo por bay spera un gama amplio di workshop y presentacionnan cu ta enfoca riba temanan actual den enseñansa.  Den nan contribucionnan, Grupo Rolf lo presta atencion special na e temanan cu ta afecta directamente na e practica educativo y ta contribui na e conocemento profesional di e docentenan.

   Aki por pensa riba entre otro: (*) Con pa mantene alumnonan envolvi y activa. (*) Pone alumnonan bay lesa, cu enfokenan motivador pa asina aumenta e placer di lesa.  (*) Desaroyo cerebral y funcionnan ehecutivo. (*) Alfabetizacion digital den Caribe: For di metanan principal te na practica.  (*) E poder di Inteligencia Artificial (AI) den enseñansa, unda por haya sa e posibilidadnan.

   E mihor di tur cos ta cu e expertonan den alfabetizacion digital di SKOA, cu a haya opleiding di Grupo Rolf, tambe lo bay duna workshops durante e Congreso di SKOA.

   Di siete aña di opleiding: Ademas di e aniversario di Congreso SKOA, 2024 lo marca tambe e di siete aña di opleiding di e programa “Digitale Geletterdheid Expert”.  E programa aki cu ta bin despues di un opleiding nivel HBO, desaroya pa Grupo Rolf, ta hunga un rol crucial den e preparacion di e profesionalnan di enseñansa pa e creciente digitalizacion dentro di educacion.  E programa ta suministra hermentnan y conocemento cu ta yuda docentenan guia di forma mas optimal nan alumnonan den e desaroyo di competencianan digital, cu ta esencial den e mundo di mañan.

   Cu orguyo, Grupo Rolf ta mira atras riba siete aña di colabracion fructifero cu SKOA y di e impacto cu e congreso y opleiding a bin ta haci riba practica educativo.  Tanto SKOA y Grupo Rolf lo keda comprometi cu un educacion prepara pa futuro, den cual tanto e profesionalisacion di e docentenan, como tambe e experiencia di siñamento di e alumnonan ta poni central.