ORANJESTAD (AAN): Sindicato T.O.P.A. ta trahando riba e parti formacion unda e kier pa tur su Delegado(nan) ta bon forma,
cu amplio conocimento riba tur tereno, pa e motibo aki tambe ta organiza cu ayudo di PSI (Public Service International) un seminario cu e siguiente temanan: “Libertad sindical, negociacion colectivo y sistema OIT / ILO (Organisacion Internacional del Trabajo)”. E dianan cu esaki lo tuma lugar ta: 5, 6 y 7 September venidero.
Sindicato Topa tin un invitado especial di PSI Region Andina (unda cu Topa ta afilia), Señor Juan Diego Gomez Vasquez, ex Secretario General di PSI Andino cu lo bai duna un seminario di 3 dia na tur delegado(nan), cu lo ta parti di formacion pa nan tur, conhuntamente cu Directiva di Topa.
E temanan lo ta: (*) Libertad Sindical y Derechonan Humano, (*) Convenionan Internacional di OIT, (*) Negociacion colectivo den administracion publico, (*) Funcionamento di e Sistema di OIT. Cu presencia di tur delegado(a)nan, e seminario aki lo bay ta hopi fructifero, na unda lo amplia riba tur aspecto pa loke ta nan derechonan y obligacionnan cu nos como ambtenaar tin pa cu pais Aruba. Awe dialuna lo tin tambe presentacion di e logo nobo di Sindicato Topa.
