Sindicato SEPPA cu protesta dilanti Rey Willem Alexander tocante Ley HOFA

ORANJESTAD (AAN)-- Diaranzon trempan, prome cu e Celebracion di Dia Nacional di Himno y Bandera, Sindicato SEPPA hunto cu su miembronan a manifesta,

enfrente di Gabinete di Gobernador y dilanti Rey Willem Alexander y prensa Hulandes, pa protesta contra e Ley HOFA.

SEPPA ta argumenta cu e ley aki ta kita Aruba su autonomia y ta bay contra nos pais su Constitucion. Nan a manifesta nan disgusto via diferente pancarta, cu no a mustra algo bon organiza.

E protesta aki, maske a wordo avisa pa e sindicato mes, no a cay na agrado di hopi ciudadano y sigur no di gobierno.