Parlamentario Alvin Molina (MEP):
ORANJESTAD (AAN): September 1 Aruba ta celebra dia di prensa. Ta un dia sigur pa nos reflexiona riba e rol importante y esencial cu prensa tin den democracia di nos pais. Mi ta cuminsa na felicita y gradici tur esnan cu ta traha den prensa.
Danki pa boso esfuerso y dedicacion continuo den boso rol pa fortifica democracia y informa nos comunidad. E ta importante pa prensa por ehecuta su trabou na un manera independiente na beneficio di pueblo di Aruba.
Un di e pilarnan ancra den nos estado di derecho. Libertad di expresion ta un derecho fundamental y ta trece responsabilidadnan cu ne pa duna informacion corecto y berdadero na nos comunidad. Ban protehe e libertad di expresion aki y aplica e derecho aki na un forma responsabel.
Ban fortifica e colaboracion entre prensa, gobierno y tur su departamentonan. Nos mester mira y trata prensa como un partner pa yuda Aruba progresa.
Danki pa informa, educa y entretene nos comunidad.
{gallery}Sin libertad di prensa, no tin libertad{/gallery}
