ORANJESTAD (AAN): Siman a habri cu 54 persona recupera y un total di 26 caso nobo di COVID-19 cu a keda registra di cual 3 ta no-residente.
E cifranan aki ta representa un 'Positivity rate' bou di nos residentenan di 50%. E cantidad di casonan activo di COVID-19 ta 141 y cantidad di fayecidonan relaciona cu COVID-19 ta 195. Datonan ta ilustra casonan nobo di COVID cu un averahe semanal di 47 caso pa dia y un averahe di 'Positivity rate' semanal di 38% pa dia.
Actualmente na Aruba tin 22 persona interna cu of debi na COVID di cual den ICU tin 3 persona y riba piso general tin 19.
Na Colombia tin actualmente 7 persona den ICU y ninguno (0) riba piso general.
