Cultura den Medicina --- Aporte pa Diario di Policlinica Metropolitana
ORANJESTAD (AAN) – “Sigmund Freud (1856-1939), considera como e tata di e psicoanalisis moderno, tabata bin un gran inclinacion na humamento. E progresion natural di e vicio aki a desaroya den dje, cancer na boca. Freud mester a pasa den un prueba prolonga y penoso den e tratamento di carcinoma, cu tin e ingredientenan di un gran figura epico, tin biaha clasico y comico, pero semper balente, maske definitivamente, tragico.
Poco biaha e potretnan di Freud a mustre sin su cigaria. E tabata un gran humado, cu e habito di huma 20 cigaria pa dia. Cuando y pakico el a adopta e habito aki, eventualmente fatal, por wordo resumi den e siguiente carta skirbi pa Freud na su 72 aña di edad: ‘Mi a cuminza huma cu 24 aña di edad, prome cigaria y despues ciga (puro) y ainda mi ta huma y mi ta hopi renuente na restringi e placer aki…’
Como docter, Freud tabata singularmente conciente riba e efectonan psicologico adverso cu humamento ta trece cune. Na 1889, el a wordo diagnostica cu ‘aritmia cardiaco’. Su internista, na e momento ey Wilhem Fleiss, a atribui esaki na venenamento door di nicotina y a incita Freud na reduci, y di hecho, na kibra su adiccion na cigaria. No obstante, Freud a ignora e advertencianan mas firme di Fleiss: ‘Mi no ta obedece su prohibicionnan pa huma; ta cu bo realmente ta considera un beneficio di biba durante hopi aña den miseria?’ Asina Freud, frecuentemente tabata bisa cu ‘humamento a ofrece mi un servicio tan invaluable durante mi bida, cu solamente mi por ta gradici. Sin humamento, mi lo no por a traha tan prolonga manera mi a haci’. Ironicamente, Freud a pasa su 16 ultimo añanan di bida sufriendo di e fruto di su vicio di huma cigaria”. Diario lo sigui publica e informacion aki ya cu ta un historia bon pa tur humado cronico lesa, y ohala stop di huma prome cu bira laat.
E articulo ta skirbi pa Docter Carlos Eduardo Coeh, ciruhano maxillofacial di Policlinica Metropolitana na Venezuela.
