ORANJESTAD (AAN): Un turista cu tabata bishita Aruba frecuentemente pa Scuba Dive aki, a fayece recien na Lawrenceville na Georgia (Merca) na edad di 74 aña.
Ta trata aki di Daniel D. Krasinski, kende ta conoci na Aruba como ‘Dan’.
El a fayece despues di un lucha contra malesa na Hospital.
Dan tabata un persona cu por haci tur cos riba su mes, y ta dispuesto pa siña! El a cumpra su prome auto cu edad di 14 aña, y den henter su bida el a cumpra hopi auto y motorcycle. Su favorito tabata 1955 Chevrolet Bel Air, y e tabatin varios di esey.
Como teenager el a traha como mecanico prome cu el a drenta US Navy na 1968. El a fungi como Radio-Man durante guera di Vietnam, y cu honor a bandona Navy na 1976. El a regresa e ora su cas na Pittsburgh y a tuma e negoshi over di su tata como Electricista. Na final di 1980 el a bira manager pa Allied Electric. Na 2007 el a bay biba na Atlanta, unda el a traha den e mesun ramo aki te ora el a bay cu pensiun na 2015.
El a pasa hopi ora den su garage grandi y limpi ta traha riba su auto- y motorcyclenan, bieu y nobo. E tabata purba haci obranan di carpinteria, traha muebles, y tur sorto di proyecto pa drecha cas.
E tabata voluntario pa yuda amigonan tambe, door di drecha nan auto, remodela nan cas, y semper ta duna conseho.
Como un Scuba Diver Certifica, e tabata gusta viaha pa Aruba pa asina aki admira e maraviyanan bao awa rond di e isla. Mainta e ta bebe un Coffie decaf cu Splenda, y anochi bo ta haye ta bebe Coronita cu lamunchi, y un sip di Tequila.
Dan cu 74 aña di edad, a scapa di morto varios biaha, incluyendo un accident cu brommer, tambe un zaag circular a kibra y a corte malamente, y el a haya un atake di curazon cu edad di 57 aña. El a haya cancer tambe y a combati esaki pa 4 aña.
Diasabra awor na Pittsburgh, lo tin un mainta special pa su entiero.
