ORANJESTAD (AAN): Sidney Ponson Charity a cuminsa lora manga pa cuminsa traha pa comunidad. Ya caba nan ta prepara pa tene nan prome evento cu ta programa pa tuma luga den luna di December.
Manera por corda, e fundacion cu ta hiba nomber di e pelotero cu a pone nomber di Aruba na halto den Grandes Ligas, a wordo lanta e aña’ki
E fundacion aki ta traha pa hoben- y grandinan. E enfoke no ta solamente deporte, pero ta traha tambe riba tereno di musica, arte y otro areanan.
Pa logra nan metanan, e Fundacion a prepara un evento pa recauda fondo. Sidney Ponson, poseedor di un condecoracion real, tin mas cu un evento den preparacion pa recauda fondo. Banda di e Wahoo Shoot Out, cu lo tuma luga na …., tambe tin un rifa cu tin varios premio cu accesorionan di y pa bay lama.
Premionn atractivo pa amantenan di pesca, cu por gana cumprando un of mas ticket. E sorteo ta tuma luga dia 4 di December awo, via di tombola, na Varadero Marina.
Sidney Ponson Charity ta pidi cooperacion di amantenan di pesca y pueblo di Aruba en general pa coopera cu e rifa aki cu tin un bunita meta su tras, yuda esnan vulnerabel den comunidad pa logra haci nan soñonan bira realidad.
Di otro banda ta recorda pa keda pendiente pa e Wahoo Shoot Out cu lo bay ta otro evento grandi y pone Aruba su nomber riba escenanan internacional.
