Diasabra 7 di november:
ORANJESTAD (AAN): Soroptimist International Club Aruba (SICA) ta invita damanan cu interes den servicio comunitario, empoderamento y desaroyo personal pa un encuentro special diasabra, 7 di november 2026, di 10:00 pa 11:30 di mainta na EduCampus. E actividad ta ofrece un oportunidad pa conoce e club y explora e posibilidad di bira miembro.
SICA ta forma parti di un red internacional di damanan dedica na mehora e bida di muhenan y mucha muhenan mediante educacion, empoderamento y accion comunitario. Cu e encuentro aki, e club kier conoce damanan cu ta desea di comparti nan ideanan, talento y experiencia pa contribui na un cambio positivo den nos comunidad.
Durante e mainta, esnan presente lo ricibi informacion tocante e mision y proyectonan di SICA, conoce su miembronan y descubri con nan por contribui na e trabao di e organizacion. Tambe lo tin oportunidad pa intercambia ideanan y establece conexionnan cu otro damanan cu ta comparti e deseo di haci un diferencia.
Miembresia di SICA ta brinda oportunidad pa crea amistadnan y conexionnan balioso, desaroya habilidadnan personal y profesional, y participa activamente den iniciativanan comunitario. Como parti di un red internacional, miembronan tambe ta conecta cu damanan di diferente parti di mundo cu ta traha pa metanan comun.
E invitacion ta dirigi na damanan cu kier contribui na bienestar di otro, comparti nan conocemento y forma parti di un organizacion cu ta promove oportunidad y progreso pa muhenan y mucha muhenan.
SICA ta invita tur dama interesa pa acerca y conoce con su contribucion por haci un diferencia. Conecta, inspira y empodera: hunto nos por logra mas.
