ORANJESTAD (AAN): Soroptimist International Club Aruba (SICA) ta invita comunidad di Aruba en general na
un charla special tocante Het Verdrag van Istanbul, bao e tema “De architectuur van bescherming”. Oradora principal e mainta aki ta mr. drs. Michella van Loon.
Durante e encuentro, lo explora con prevencion, legislacion y colaboracion multidisciplinario ta forma e base di un sistema di proteccion efectivo. E mensahe central di e charla ta basa riba e conviccion cu proteccion contra violencia ta un derecho di tur hende y un responsabilidad comparti cu ta exigi compromiso y cooperacion.
E charla lo tuma lugar diasabra, 31 di oktober 2026, di 10:00 am te 12:00 pm na Educampus. SICA ta comunidad pa asisiti na e charla y confirma asistencia via WhatsApp na 594-2780.
Cu e encuentro aki, SICA kier contribui na un Aruba mas sigur, unda proteccion, husticia y dignidad ta forma e base di bienestar pa tur hende. Entrada na e charla ta totalmente gratis.
