Si ta pa DOW e conseho pa gobierno ta kita Santana di Cacho por completo

Marlon Croes, director di DOW:

ORANJESTAD (AAN) – Santana di Cacho no ta un responsabilidad primordial di DOW. Esaki Director di DOW, ing. Marlon Werleman a expresa den entrevista cu DIARIO.

“Nos ta conciente si, cu el a bira un custumber. Un tradicion cu nan ta dera nan pets den e area aki, pa mas cu 50 aña caba, y si DOW mag expresa su preocupacion riba esaki, mi ta kere cu lo mester bin un cambio, pasobra e area aki ta un area primordial pa e desaroyo di Aruba, pa manten’e como natuur  gebied, cu por use na un otro manera pa dera bo pets eynan”, director di DOW a subraya.

El a agrega cu mester bin un rapport cu e punto di bista di ROPV y Salubridad Publico, tocante kico nos tin cu haci pa futuro pets na Aruba. “Si ta pa DOW nos conseho ta pa kit’e completo”, Marlon Croes a acentua.

El a agrega cu DOW lo premira cual ta e interes general na Aruba, ya cu esaki tin di haber tambe cu salubridad publico. “Con hopi bo ta willing pa expone bo bishitantenan y local tambe, na e area aki”, el a remarca.

El a reitera cu, en todo caso, mester sinta den un reunion pa delibera entre DOW, DVG, ROPV, y DNM, pa nan studie y bin cu un miho conseho. Si acaso prohibi pa dera bestia den e area aki, mester tin’e den status quo.